Mae'r Aelod o'r Senedd lleol, Paul Davies, wedi siarad mewn dadl yn y Senedd am israddio gwasanaethau iechyd lleol ar draws y Gorllewin ac wedi annog Llywodraeth Cymru i ymyrryd ac atal y Bwrdd Iechyd rhag cyflwyno unrhyw gynigion a fydd yn arwain at lai o wasanaethau yn ysbytai Llwynhelyg a Bronglais.
Siaradodd Mr Davies mewn dadl gan y Ceidwadwyr Cymreig ar wasanaethau ysbytai a chau ysbytai, gan dynnu sylw at benderfyniad diweddar Bwrdd Iechyd Prifysgol Hywel Dda i gael gwared ar lawdriniaethau cyffredinol brys o ysbyty Llwynhelyg a'r bwriad i chwyldroi gwasanaethau strôc yn ardal y Bwrdd Iechyd.
Yn dilyn y ddadl, dywedodd Mr Davies, "Mae cymunedau ledled y Gorllewin yn poeni’n fawr am ddyfodol eu gwasanaethau ysbyty lleol ac maen nhw eisiau i Lywodraeth Cymru ymyrryd ac atal y Bwrdd Iechyd lleol rhag canoli eu gwasanaethau ymhellach i ffwrdd – yn enwedig pan wnaeth Plaid Cymru ymgyrchu yn erbyn cynigion y Bwrdd Iechyd yn ystod etholiadau'r Senedd.
"Mae cleifion sy'n byw yn Sir Benfro a Cheredigion yn haeddu gofal iechyd diogel a hygyrch yn agosach at eu cartrefi – ni ddylent orfod teithio ymhellach i ffwrdd am wasanaethau hanfodol."
"Rydyn ni'n gwybod bod llywodraethau blaenorol Cymru wedi sefyll yn ôl a gwneud dim, ac rwy'n gobeithio na fydd y Llywodraeth newydd hon yn dewis dilyn yr un llwybr. Mae angen i Lywodraeth Cymru ymyrryd ar unwaith i ddiogelu gwasanaethau a sicrhau eu bod yn aros yn ysbytai Llwynhelyg a Bronglais."
