Mae'r Aelod lleol o'r Senedd, Paul Davies, wedi mynegi ei wrthwynebiad i gynnig Cyngor Sir Penfro i gau Ysgol Clydau, gan ddisgrifio amseriad yr ymgynghoriad – ychydig cyn y Nadolig – fel un "pryderus iawn" ac annheg i deuluoedd lleol. Tynnodd Mr Davies sylw hefyd at yr effaith y byddai cau Ysgol Clydau yn ei chael ar y gymuned leol a'r Gymraeg.
Meddai Mr Davies: "Mae Ysgol Clydau yn rhan hanfodol o'r gymuned leol, a byddai ei chau yn cael effaith enfawr ar yr ardal leol. Mae'n annerbyniol bod yr ymgynghoriad hwn wedi'i lansio heb unrhyw drafodaeth gyda rhanddeiliaid lleol ac mae ei gyhoeddi ychydig cyn y Nadolig yn siomedig iawn."
"Mae gan Ysgol Clydau enw da iawn ac yn adroddiad arolwg diweddaraf yr ysgol gan Estyn, tynnodd yr arolygwyr sylw at berthynas gref rhwng staff a disgyblion a chwricwlwm sy'n gwneud defnydd pwrpasol o'r ardal leol i danio chwilfrydedd. Byddai cau'r ysgol hon yn anfantais i deuluoedd lleol a byddai hefyd yn tanseilio ymdrechion i amddiffyn a hyrwyddo'r Gymraeg yn y gymuned."
"Rhaid i Gyngor Sir Penfro sicrhau bod yr ymgynghoriad hwn yn ystyrlon, drwy wrando go iawn ar leisiau lleol a gweithio gyda chynrychiolwyr, rhieni a chymuned yr ysgol i ddod o hyd i ffordd ymlaen."
