Mae Paul Davies, AS Preseli Sir Benfro, wedi arwain dadl ar bwysigrwydd sector hosbisau a gofal lliniarol Cymru; a galwodd am ddatblygu model cyllid cynaliadwy i gefnogi'r sector.
Tynnodd Mr Davies sylw at achos Shalom House, hosbis a oedd wedi'i leoli yn Nhyddewi cyn iddo gau ei ddrysau ym mis Hydref oherwydd pwysau ariannol. Dadleuodd Mr Davies y byddai model cyllid cynaliadwy yn darparu sefydlogrwydd i sector mewn argyfwng ac anogodd Lywodraeth Cymru i flaenoriaethu'r sector cyn i fwy o hosbisau gael eu gorfodi i ystyried lleihau eu gwasanaethau neu gau eu drysau yn gyfan gwbl.
Manteisiodd hefyd ar y cyfle i dynnu sylw at y gofal rhagorol a ddarperir gan Sefydliad Paul Sartori, sydd wedi'i leoli yn Hwlffordd. Mae Sefydliad Paul Sartori yn cynnig amrywiaeth o wasanaethau a therapïau, gan gynnwys Gwasanaeth Hosbis yn y Cartref drwy gydol y flwyddyn, gyda gwasanaeth ar alwad o fore gwyn tan nos.
Dywedodd Mr Davies, "Rwy'n ymrwymedig i wneud yr hyn a allaf i sicrhau bod llawer mwy o gydraddoldeb rhwng y gwasanaethau a ddarperir gan hosbisau a'r GIG, a chydnabyddiaeth gliriach o'r rôl hanfodol sydd ganddyn nhw o fewn y system iechyd a gofal cymdeithasol ehangach."
"Rwy'n credu mai'r ffordd orau o ddiogelu'r gwasanaethau sy'n cael eu darparu yn y gymuned yw trwy ddatblygu model cyllid cynaliadwy, parhaol ar gyfer y sector."
"Mae hosbisau yn ddarparwyr gofal lliniarol arbenigol, ac mae'n rhaid i Lywodraeth Cymru wneud mwy i ddiogelu'r gwasanaethau hanfodol hyn. Mae cleifion â salwch terfynol yn haeddu gwell, a’r darparwyr hefyd."
