Mae'r Aelod o'r Senedd dros Breseli Sir Benfro, Paul Davies, wedi cadarnhau ei wrthwynebiad i gynlluniau Llywodraeth y DU ar gyfer cynllun cardiau adnabod digidol.
Yn ddiweddar, cadarnhaodd Prif Weinidog y Deyrnas Unedig gynlluniau i gyflwyno cardiau adnabod digidol am ddim i'r rhai sy'n byw yn y DU, fel ffordd o reoli ac atal cyfleoedd gwaith i fewnfudwyr anghyfreithlon, sydd yn ei farn ef yn ffactor sylweddol sy'n annog pobl i groesi’r sianel mewn cychod bach.
Codwyd y pwnc hefyd yn y Senedd yr wythnos hon gan Arweinydd y Ceidwadwyr Cymreig. Cadarnhaodd y Prif Weinidog ei chefnogaeth i'r cynllun cardiau adnabod digidol, gan ddweud y byddai'n hoffi i'r cynllun fod yn ddwyieithog a chyda'r faner Gymreig yn rhan ohono.
Dywedodd Mr Davies, "Rwy'n gwrthwynebu'n llwyr y cynllun i gyflwyno cardiau adnabod digidol –grymuso unigolion yw rôl llywodraeth, nid cyflwyno cynlluniau sy’n rhoi mwy o reolaeth i’r wladwriaeth."
"Yn fy marn i, ni fydd y cynlluniau yn gwneud dim i atal mewnfudwyr anghyfreithlon rhag dod i mewn i'r DU – cynllun yw hwn i gymryd camau go iawn ar fewnfudo. Mae Llywodraeth y DU yn taflu llwch i’n llygaid ni."
"Credir hefyd y bydd y cynllun yn costio tua £20 biliwn o bunnoedd dros ddeng mlynedd - arian y dylid ei wario ar ein gwasanaethau cyhoeddus a'i fuddsoddi yn ein cymunedau."
