Mae Aelod o'r Senedd Preseli Sir Benfro yn annog pobl Sir Benfro i enwebu busnes lleol ar gyfer gwobr fawreddog y Gynghrair Cefn Gwlad. Mae gwobrau'r Gynghrair Cefn Gwlad, sy’n cael eu galw’n Oscars Gwledig hefyd, yn gyfle i hyrwyddo busnesau gwledig sy'n cynrychioli'r gorau o Sir Benfro.
Mae'r categorïau'n cynnwys y Cigydd Gorau, Bwyd/Diod Lleol, Menter Wledig, Siop/Swyddfa Bost Pentref a'r Dafarn Orau. Mae pob enwebiad yn cael ei ystyried yn ofalus, gyda'r rhai sy’n cyrraedd y rownd derfynol ranbarthol yn cael eu dewis cyn cyhoeddi'r enillwyr cenedlaethol mewn derbyniad yn Nhŷ'r Arglwyddi yn 2026.
Meddai Mr Davies, "Mae gwobrau'r Gynghrair Cefn Gwlad, neu'r Oscars Gwledig, yn arddangos y gorau o fusnesau gwledig Prydain. Maen nhw'n taflu goleuni ar fenter arloesol, y safonau uchaf o gynnyrch ac maen nhw'n hyrwyddo'r busnesau hynny sy'n gwneud mwy na’r gofyn i gefnogi eu cymuned leol."
"Mae gan Sir Benfro gymaint o fusnesau gwledig gwych - ond mae'n rhaid iddyn nhw gael eu henwebu i gael y cyfle i ennill Oscar Gwledig. Mae enwebiadau bellach ar agor, felly gwnewch yn siŵr eich bod chi'n enwebu eich hoff fusnes trwy ymweld â gwefan y Gynghrair Cefn Gwlad."
